植眼睫毛敏感怎麼辦？卸妝不當或令眼膜發炎，專業美睫師教你如何保養植睫毛  

 (Cosmopolitan HK: https://www.cosmopolitan.com.hk/bride/bride-eyelash-extension-care)

植睫毛咁受歡迎，其中一個原因是絕對可以節省早上起床化妝的時間，日日都咁忙的你瞓多10分鐘就係10分鐘，而且化起妝上嚟真係特別好睇，自然又吸睛

但係唔好唔記得人工眼睫毛都需要花時間打理及保養，特別係落妝及濕咗水後，都要好好地梳下佢，咁set睫毛先可以用得耐d，所以絕對係好值得花時間做好眼睫毛的保養 

如何保養剛植好的眼睫毛？

剛植好的睫毛根根分明、條條都乖乖的向上站好，但有時洗臉或睡醒後，可能因為被我們壓到或天生睫毛就不太聽話（愛往奇怪的方向生長）；有時候也會有不夠捲翹，遮到一點眼睛的情況… 這時可用螺旋狀的睫毛梳向上捲梳來做保養，同時用食指輕輕托住眼睫毛下方，仲有記得睫毛梳不要有太貼近根部開始梳起，咁先至唔會太用力梳到睫毛都甩埋

基本上我哋睫毛師都係咁樣幫你梳理，成個過程唔該溫柔d 可以喺店舖叫你的睫毛師示範俾你睇

咁樣小心整理一下後，原本亂掉了些，又顯得有些下垂的睫毛就會再次變得很美了，其實打理及保養眼睫毛都唔係真係咁麻煩

家中必備眼睫毛保養品

植睫專用螺旋狀睫毛梳（可屈曲）

 耐唔耐黎做一次lash spa 深層清潔，保養下眼睫毛，對好多時間繁忙嘅女生係好有難度，明！但係植後睫毛清潔真係好重要，所以就搵黎呢支日本lash shampoo比大家，一星期用兩三次清潔眼睫毛，自己喺屋企都做到保養，我覺得可以媲美落黎做lash spa

成個清潔及保養過程就好似用洗頭水洗頭咁，頭髮有頭油，眼睫毛都一樣，眼部油脂分泌都需要清潔，但就係因為更接近眼睛，清潔先需要做得更加好，同普通shampoo唔同，佢唔洗濕水起泡，呢支一唧出黎就已經新鮮製造好白雪雪嘅泡沫，好方便。 重點係！

佢入面除左有溫和不傷眼嘅清潔成份，濃縮營養護睫成份都好高，可以話用緊成支精華黎洗睫毛，一路做清潔一路做眼睫毛保養，叫佢做lash shampoo係睇小左佢

一支lash shampoo，買兩個方便+精華級數的眼睫毛保養

女生們多數會擔心植後洗面很麻煩，如果有呢個concern嘅，比少少時間留意吓呢個post，應該可以解決到一直以來嘅困擾。針對眼睫毛嘅植後保養，店內睫毛師有時間時都會咁教大家

1）避免使用油性清潔用品，包括落妝油，所以卸妝水及泡泡洗面液會是不錯的選擇 先用卸妝水清潔眼周或眼線位置，面部其他位置，先取適量潔面用品並搓出泡沫
2）將泡沫均勻抹在面上，並用按摩方式清潔臉部，這時要避開睫毛根部位置
3）使用撥水方式一次過清除面上的洗面液
4）使用潔面海綿或面紙將面上多餘水份擦抹乾淨，眼睛部份請用按壓方式，千萬不要大力搓揉哦
5）輕力塗上面部護膚品，尤其是有油性護膚品，特別眼霜，一定要避開睫毛根部
6) 最後輕輕梳理睫毛，注意不要從根部膠水位置梳起哦 **建議每月做一次睫毛Spa作深層清潔，保養做得好，嫁接後的眼睫毛才能保持得更好更持久！

我地平時都會同大家講植睫毛之後，卸妝可能冇之前咁爽，唔可以用落妝油係咁捽， 所以棉棒+落妝水係會成為你嘅好幫手

植睫之後如果依舊用普通棉花棒去清潔detail 位的話，好容易會勾到棉花絲，同未必清潔得乾淨！仲會影響保養效果添。我哋有眼睫毛專用不脫棉棒，毛頭特別細而長，唔會有勾絲呢個問題，建議濕少少卸妝水係毛頭上，用黎清潔睫毛之間嘅罅隙，如果係無化妝嘅女生們，都可以濕少少蒸餾水去抹抹眼線同內眼線位置，咁就可以make sure 眼皮位置乾淨衛生

有時有些女生們可能會發現植左睫毛之後，好似更加容易有眼睛發炎或者眼紅紅呢個情況，會唔會係對黑膠敏感或者植睫毛整到隻眼發炎？如果確認過療程所使用物品同工具都有徹底消毒而植睫毛方法冇出錯的話，最常見到嘅情況係女生們未能完全清潔乾淨睫毛，油脂污垢同致敏源累積係根部位置，眼睛都會容易敏感同眼紅紅，甚至會出現發炎情況，所以話清潔究竟有幾重要？呢個方法再加呢個工具，絕對為你植睫毛之後嘅眼皮清潔帶來更大方便，仲唔會整亂d 植睫毛喔！ 順帶講埋護膚品，如果可以減少用帶油份嘅眼霜同面霜，將油份同黑膠絕緣，亦都可以減少油脂積聚喺眼皮嘅機會，個效果會仲好啲